سنه اولى طب

ابو ليندا كتب:

طبع هنا شرح للسنه الاولى المواد التي يدرسها الطالب وهذا نظام علمي تقريباهنبدأ بتفصيل المواد مادة مادة -ان شاء الله-
أول مادة هي
مادة التشريح Human Anatomy

دي مادة بتتكلم عن تشريح جسم الانسان حتة حتة وهتدرسوا -ان شاء الله- في سنة أولى 5 فروع :-
1-upper limb الطرف العلوي
2-lower limb الطرف السفلي
3-abdomen منطقة البطن
4-pelvis منطقة الحوض
5-embryology علم دراسة الأجنة

وفي البداية بيبدأ القسم بدراسة مذكرة صغيرة هي المقدمة introduction

بالنسبة للخمس فروع دول هتلاقوا أكتر من مصدر ورق لمذاكرتهم
في ورق الدكتور أسامة حسين وده المختصر المفيد بشهادة ناس كتير
وفي كتاب الدكتور سامح دوس وده طويل شويه بس في ناس بتحب تذاكر منه
وفي كتاب الدكتور أحمد مصطفى كمال ويتميز بالرسومات

وطبعا أي مصدر من دول أو غيره كويس ومبيطلعش منه الامتحان -ان شاء الله-
المهم الراحة النفسية تجاه الورق وتنسيق الدكتور وعدم التأثر باّراء الاّخرين

بالنسبة لدرجات الامتحانات فهي كالاّتي :-
أولا: أعمال السنة 50 درجة وهي كالاّتي
35 درجة قبل أجازة نص السنة
امتحان mcq (اختياري) 8درجات
امتحان mcq (اختياري)7 درجات
ثانيا:امتحانات اّخر السنة
60 درجة عملي
15 درجة شفوي
125 درجة تحريري:- (55 اختياري + 70 تحريري )

ملاحظة: دي توزيعة الدرجات اللي كانت عندينا السنة اللي فاتت وكام سنة فاته وهي قابلة للتغيير حسب القسم

والله ولي التوفيق
انتظروا المزيد -ان شاء الله-

علم وظائف الأعضاء Physiology

ودي بتتكلم عن اّليات العمل في جسم الانسان وطريقة تناسقها مع بعضها
وهي 7 فروع :-1-الدم Blood
2-القلب والأوعية الدموية Cardiovascular system
3-الاعصاب والعضلات Nerve & Muscle
4-القناة الهضمية Gastrointestinal tract
5-التنفس Respiration
6-الجهاز العصبي اللا ارادي Autonomic nervous system
7-الفيزياء الحيوية Biophysics والاحصاء الحيوية Biostatics

وزي ما قولنا في الاناتومي فيه أكتر من مصدر للمذاكرة وكمان هتلاقي مصادر كويسة في فروع وفروع لأ

أشهرها ورق الدكتور عبد الحميد وده ورق مبسط وسهل وده في الفروع كلها
أما في كل فرع لوحده فانتوا ممكن تشتروا ورق الدكتور المحاضر

وزي ماقلنا برضه كله كويس وأهم حاجة تكون مرتاح للورق اللي بتذاكر منه

بالنسبة للدرجات:-250 درجة زي الاناتومي مقسمة كالاّتي:-
أولا اعمال السنة :
3 امتحانات mcq
امتحان نص السنة 40 درجة
امتحانين كل واحد 5درجات
ثانيا امتحان اّخر السنة:-
وده 130 درجة (50 اختياري + 80 تحريري)
ثالثا اختبار عملي : 30درجة
رابعا اختبار شفوي: 40 درجة (على لجنتين)

ملاحظة: دي توزيعة الدرجات اللي كانت عندينا السنة اللي فاتت وكام سنة فاته وهي قابلة للتغيير حسب القسم
الكيمياء الحيوية Biochemistry
ودي بتتكلم عن التفاعلات الكيميائية داخل الخلايا والمواد الكيميائية اللي بيحتاجها الجسم
وهي تتكون من 8 أقسام :-
1- البروتينات Proteins
2-الانزيمات Enzymes
3-الفيتامينات Vitamins
4-الكربوهيدرات Carbohydrates
5-الدهون Lipids
6-الشحنات الحرة Free Radicals (مش عارف اذا كان المعنى بالعربي كدة صح ولا لأ):D
7-الأغشية الحيوية Biological Membranes
8-DNA

بالنسبة للمذاكرة فكتاب القسم كويس خالص ومش محتاج ورق دروس

بالنسبة للدرجات:-
150 درجة كالاّتي:-
أعمال السنة :30 درجة :-
20 درجة امتحان نص السنة
10 درجات على 4 امتحانات quiz mcq
العملي : 20 درجة
الشفوي : 10 درجات
اّخر السنة :90 درجة تحريري كلهم
ملاحظة: دي توزيعة الدرجات اللي كانت عندينا السنة اللي فاتت وكام سنة فاته وهي قابلة للتغيير حسب القسم
مادة دراسة الأنسجة Histology
ودي من اسمها بتتكلم عن دراسة أنسجة الجسم المختلفة وازاي بنشوفها تحت الميكروسكوب الضوئي والالكتروني
ودي بتتكون من قسمين رأيسيين General & Special
الGeneral بيتاخد في سنة أولى والتاني في سنة تانية
وفيها أقسام كتيرة يطول ذّكرها:D

بالنسبة للدرجات :-
وهي 150 درجة :-
10 درجات على 3 اختبارات اما يؤخذ اعلى درجة في التلاتةمن10 أو يتحسبوا كلهم من 10 حسب قرار القسم
بعد كده اختبار نص السنة 30 درجة mcq & fill in the space
كمان في امتحان عملي : 25 شرايح + 5 رسم + 5 رسم عليه البيانات (برضو قابلة للتغيير)
امتحان اّخر السنة 75 درجة

ملاحظة: دي توزيعة الدرجات اللي كانت عندينا السنة اللي فاتت وكام سنة فاته وهي قابلة للتغيير حسب القسم

والله ولي التوفيق

في بعد كده 3 مواد فرعية منها اتنين بينضافوا وواحدة لأ
الاتنين الاولنيين :- اللغة انجليزي طبعا & الحاسب الاّلي كمبيوتر يعني:D
كل واحدة عليها 50 درجة
والتالتة هي حقوق الانسان مادة تعبانة كلوا بينجح فيها ان شاء الله

وبكده يبقى المواد اللي عندكوا في سنة أولى خلصت ومجموعها على بعضها 950 درجة

ربنا يوفقكم كلكم وتطلعوا مسلمين أطباء مراعين الله في الأمانة التي قبلتم تحملها

-المذاكره من اول يوم و لو بمجهود بسيط يزيد تدريجيا و عدم الوقوع في الفخ ان الناس تعبت في ثانوي و داخلين الجامعه يستريحوا
2-تحديد نقاط ضعفك من اول العام و تحديد اذا كنت تحتاج الي درس في الماده حتي لا تؤخر نفسك لنصف العام
3- الاسراع بشراء السكيليتون لانه ينفد بسرعه و احسن يكون طبيعي زي ما قال ابو البراء
4-حضور العملي اول باول و عدم الغياب في السكاشن و خصوصا سكشن الفسيولوجي لان بالمواظبة اعمال السنة مضمونة ان شاء الله